Зайнулаьбидлул арс Чав­та­раев Чавтара увссар Гьун­чIукьатIрал шяраву усттарнал кулпатраву 1930 шинал.

Ванал цала 90 шинал мутталийсса оьрму лавгссар, чIивиния шинай захIмат буллай, дуклай.Гъумук школагу къуртал бувну, 1951 шинал лавгссар аьралий бурж лахъан.

Ххюра шинай къуллугъ буллай ивкIссар ЛухIи хьхьирил флотрай. Цала буржгу багьайсса куццуй лавхъун, цувагу старшина хьуну, буттал шяравун зана хьуссар. Та чIумал мукун зана хьуми хъунмасса хIурматрай хьунабакьайва. Цаппара шиннардий ГьунчIукьатIув завмагну, яла колхозраву личIи-личIисса къуллугъирттай зий ивкIссар Чавтара.

МахIачкъалалив ивзун махъ, къатри дайсса пишалий зий 30-хъул шинну хьуссия ванал. Вай шиннардий бувсса захIматрахлу лайкь хьуссар тамансса хIурматрал грамотар­ттан, лайкь хьуну ур 2 медальданун. Ва хъанай ур дяъвилул ветерангу.
Чавтарал хIурмат цума-цагу гьунчIукьатIиричуначIа лавайсса буссар, инсаннал чIарав ацIаврил, кумаг баврил, хасият хIалимшиврул бутIа лавайну буллусса уну тIий.
Чавтарал ур кIия арс, цахава лавхьхьусса захIмат ххирасса, инсантурал хIурмат бусса.

Ва зурул 30-нний Чавтаран 90 шин бартлаглай дур..
ХIурмат лавайсса Чавтарай! Жу цинявппагу, вил гъан­чу, дустал, гьалмахтал, Гьун­чIукьатIрал жямат, дакIних­туну барча дуллай буру вил хъуннасса юбилей. ЧIа тIий буру вин уттиния тихунмайгу оьрчIал оьрчIал ххари уллансса цIуллусса оьр­му.
ГьунчIукьатIрал ккурандалул ва жяматрал чулухату

Аьбдуллаев Амин
ва АхIмадов Руслан

---

[dropcap]Я[/dropcap]нварь зурул 23-нний ни­ттил увну 70 шин хъанай дур ЧIяйннал агьулданул вакил Аьлил­хъал Аьвдуллагьлул ва Самсижатул арс Аьлиллун.

Ванан, давриву хьун дурсса ххуй-ххуйсса ккаккиярттан ва хьхьичIуннайшивурттан лайкьсса кьимат бивщуну, дуллуну дур «Дагъусттан Республикалул шяраваллил хозяйствалул лайкь хьусса зузала» тIисса бусравсса цIа.
ДакIнихтуну барча уллай, чIа тIий буру цIуллу-сагъшиву, ххари-хъиншивуртту.
ОьрчIая неъмат ккакканнав, винмагу, инавагу ххираминнал ххари уллай оьрмулул уччиннин итаннав.

Дустал, гьалмахтал