ЦIуссалакрал райондалий агьали бур нирхиравун багьну коронавирусрал вакцинартту буллай. Райондалул азарханалий тIивтIуну бур коронавирусрал инфекциялул прививкартту дуллалисса пункт.
Вай гьантрай шикку «Спутник V» вакциналул прививкартту дунни 15 педагогнайн. Вакциналул кIилчинмур ххалаххи бантIиссар 21 гьантлува. Махъсса ппурттуву коронавирусрал инфекциялул къашай хьусса инсантурал сияхI чан хьунугу, эпидемия уттигу яла гьан дурар ва ссутихуннайгу мунил ци тагьар дикIанссарив кIулну бакъар.
Дагъусттаннай хIакьинусса кьини тIивтIуну бур вакцинарттал прививкартту дуллалисса 80-ннийн бивсса пунктру. Вай пунктру зий буссар республикалул шагьрурдал ва районнал медициналул идарарттай.
Шиккува кIицI лаган, кIулшивуртту дулаврил идарарттай зузисса пишакартал коронавирусрал инфекция лахъан нигьачIаву дусса инсантурал сияхIравун багьлагьиссар.
ЦIуссалакрал райондалий вакцинартту бувсса цинявппагу инсантал рязину бур ва миннал чурххал тагьар-хIал къулайсса дур.
