Хъювхъиял шяраву, райондалул Культуралул центрданул филиалданий, хьунни Аьрасатнал Кьинилун хас дурсса шадлугъ.

ОьрчIругу, зузалтгу байрандалущал барча буллалисса ихтилат бунни оьрус мазрал учительница Гулизар Кьурбановал. Байрандалул тарихрая бувсунни филиалданул хъунмур Рукьижат Оьмаевал. Дуклаки оьрчIал дурккунни ватандалухасса, дусшиврухасса назмурду, увкунни балайрду.

Аьрасатнал Кьинилун хас дурсса мероприятие сакин дурну дия Культуралул центрданул филиалданул художествалул каялувчи Сакинат МахIаммадовал.

КIицI лаган, Хъювхъиял шяравусса Культуралул центрданул филиалданул зузалтрал цумурцагу байран лахъсса даражалий бартдигьай.
Шикку дуллалисса мероприятиярттавух гьурттушинна дай школалул учительтурал, жяматрал вакилтурал, жагьи-жугьултрал.