Ларгсса нюжмардий Гъумучиял клубраву хьунни райондалул ва республикалул олимпиадарттай ва личIи-личIисса конкурсирдай ххув хьусса ва хьхьичIунсса кIанттурду бувгьусса дуклаки оьрчIан бахшишру дуллалисса шадлугъ. Муний гьуртту хьунни Лакрал райондалул администрациялул бакIчи Абакар Къюннуев, ванал хъиривчу Соня Макьаева, КIулшиву дулаврил управлениялул каялувчи Явсупи ХIамзаев, идарарттал каялувчитал, Гъумучиял лицейрал директор МахIаммад Хъунбуттаев, Гъумучиял школалул директор Жяъпар Канкаев ва цаймигу школалул директор.
Зулайхат Тахакьаева
Дуккавривусса хьхьичIуннайшивуртту хаварбакъулийсса иш бакъар. Му гихунмайгу ттизаманнул захIматрал рынокрай цивппа тIалавну бикIансса хIарачатри, нитти-буттахъансса ххаришивугур, учительтурансса барчаллагьгур.
Райондалул администрациялул бакIчи Абакар Къюннуевлул райондалул бакIчинал ва жяматрал цIания барча бувуна райондалул ва республикалул олимпиадарттай ххув хьусса ва хьхьичIунсса кIантту бувгьусса дуклаки оьрчIру, барчаллагь увкуна ми оьрчIру ялун личингу бувну, хьхьичIунмай хъит учин бан захIмат бивхьусса учительтурахь. Цалва ихтилатраву ванал кIицI лавгуна лакрал оьрчIру мудангу дуккавриву итххявхсса, кIулшиврул даража лавайсса бивкIшиву, мунияту Совет заманнай лавайсса дуккаврил идарарттавун лакрал оьрчIру дуклан буххан ккаккан дурсса аьдад дикIайсса диркIшиву. Бувсуна цимигу никирай жулва миллатрал пахрулун лайкьсса, так ца Аьрасатнаву бакъассагу, дунияллийх цIа ларгсса аьлимтурая МахIаммад Дандамаевлуя, Амир Амаевлуя, ХIажи-Апанни Чалавиевлуя, композитор Мурад Къажлаевлуя, гимнрал автор Ширвани Чаллаевлуя ва цайминная. Мукунма бувсуна цува дуклай ивкIсса шиннардий «Квант» журнал бучIан буллай, муниясса захIматсса задачартту байсса бивкIшиву, хIакьинусса информациялул база тIурча хъунмасса бушиву.
— 90-ку шиннардий, паччахIлугърал чIяруми предприятияртту цайхра цалла дарчIусса чIумал, давурттайн кьамул буллай бия лажин-цIа кIулнал оьрчIру. ЧIумул цилва исват бунни кIулшиву, коллективраву зун бюхъаву, хIисавравун ласун багьлай бушиву жагьилсса пишакар даврийн кьамул уллалисса чIумал. ХIакьину, жунма чIалачIисса куццуй, гьарца кIанттайнма тIалавну бур за кIулсса пишакартал. Зул кIулшивуртту ларайсса духьурча, зу чув-бухьурчагу тIалавну лякъинтIиссару, бакъахьурча, зу даврийн кьамул къабуллантIиссару, — увкуна ванал. Бувсуна ттигъанну райондалий баян бувну бивкIсса райондалул МФЦ-лийн кьамул бансса зузалтрал конкурсрайн аьрза буллусса 30 шинал оьрмулувун бияннинсса 35 жагьилнава тIалавсса лявкъушиву увагу 7. МахIачкъалалив пишакаршиву лахьхьин тIайла бувккукун, миннавагу кIиясса цивппа махъаллил хьушиву.
— Зу райондалул мусил фонд хъанахъиссару, зул кIунттихьри райондалул ялун бучIантIимур бусса. Умуд бур зул дяниватугу букканссар Дагъусттангу, Аьрасатгу бюхттул бансса лайкьсса инсантал тIисса, — увкуна Абакар Къюннуевлул гайннан гихуннайсса дуккавривугу тIайлабацIу чIа тIий.
Ванал бахшишру дуллуна шанна ва ххисса дарсирдал олимпиадарттай ва республикалул личIи-личIисса конкурсирдай хьхьичIунсса кIантту бувгьусса дуклаки оьрчIан: АхIмадова Сурая (Гъумучиял шк., 11-мур класс); ХIажиева Рамина (КIундиннал шк.) – вай кIивагу душнил мукьра дарсирал олимпиадалий бувгьуну бур хьхьичIунсса кIантту; шанна дарсирал хьхьичIунсса кIантту бувгьусса: Оьмарова Саният (Гъумучиял лицей, 11-мур кл.) ; МахIаммадов ХIусайн (Гъумучиял лицей, 10-мур класс); Братилова Карина (Кьубиял шк., 9-мур кл.); Исмяилова Фаина (Щардал шк., 8-мур класс); Мусаев АхIмад (ЧIарттал шк. 11-мур кл.); Аьшаева Индира (Хъунайннал шк. 8-мур кл.).
Республикалул лакку мазрал ва литературалул олимпиадалий хьхьичIунсса кIантту бувгьусса дуклаки оьрчIру ва миннал учительтал: Оьмарова Саният (Гъумучиял лицей, 11-мур кл.,); АхIмадова Сурая (3-мур кIану, Гъумучиял шк.,); Хизиева Къисттаман ( 1-мур кIану, Хъурхърал шк.,); Оьмарова Сабина (Щардал школа, «Абитуриент ДГУ — 2014» олимпиадалий 1-мур кIану); МахIаммадов ХIусайн; Мусаев АхIмад; Аьшаева Индира; Братилов Камил; Исмяилова Фаина; Оьмаров Оьмар (Гъумучиял школа); Щурпаев Шяпи (Гъумучиял школа).
Уттигъанну МахIачкъалалив хьусса «Республиканский фестиваль исследовательских проектов» тIисса республикалул цалчинсса фестивальданий «Моя малая родина» тIисса номинациялуву 2-мур кIану бувгьусса Ккурккуллал школалул 3-мур классрал дуклаки оьрчIру ХIажиев Рамазан, ХIусманова Калимат (учительница Гъужиева Миси) ва 3-мур кIану бувгьусса Гъумучиял школалул 4-мур классрал дуклаки душ Буттаева Соня (Абакарова Жамила), Закаржаева Диана (республикалул пианистурал конкурс, 3-мур кIану); ХIусманова Далида (2-мур кIану), Кьурбанова Лида (ОьрчIал магьирлугърал школалул хъунмур).
Райондалул кIулшиву дулаврил управлениялул каялувчи Явсупи ХIамзаевлул кIицI лавгуна райондалул ва республикалул олимпиадарттай ва конкурсирдай хьхьичIунсса кIанттурду бувгьусса дуклаки оьрчIан бахшишру дуллалисса шадлугъ шамилчин дуллалишиву ва му аьдатравун дагьшиву.
— Укунсса давурттал кабакьу буллалиссар дуклаки оьрчIал олимпиадарттайсса ва конкурсирдайсса гьурттушинна чялиш дан ва бунияла шиная шинайн чIяву хъанай бур дуккавриву хIарачат буллалисса оьрчIру, — увкуна ванал.
Бувсуна райондалул администрациялул кьамул дантIишиву гьунар бусса оьрчIан хас дурсса программа.
Ихтилатрая махъ бахшишру дуллуна райондалул кIира олимпиадалий хьхьичIунсса кIантту бувгьусса дуклаки оьрчIан. Гъумучиял школа: Абакарова Камила, Жанмирзаева Аьшура, Оьмаров Оьмар, Щурпаев Идрис, Нажмуттинова Байзанат, МахIаммадов Пайзуллагь, Лукьманова ПатIимат, Къюннуев Муса, Ибрагьимов ХIажи, Оьмарова Маллу, Будайчиев АхIмад (учительтал Аьлиева ПатIимат, Акаев МахIаммад, ХIасанаьлиева Барижат, Бавасулайманова Роза, Кьурбанова Зугьра, Кьурбанова Аьйшат, Кьадиев ХIажи, Оьмаров Илияс, Айгунова Асият, Айгунова Мариян, Кантулаева Шарипат); Гъумучиял лицей Къичаева Диана, Маммаев Шяъван, МахIаммадов ХIасан, Къажлаев МахIаммадхан, ХIусманов Ярагъи, Оьмаев Арсен, Рамазанов МахIаммад, ХIасанова Саният, Макьаева Аймисай, Ибрагьимов Мурад, Маммаев Шяъван (учительтал: Исмяилов Аьбдулмажид, МухIадов Руслан, Хизиева Гульнара, Нажаева Анисат, ХIасанова Асият, Куяева Рая); Кьубиял школа: ХIусайнова Жаннат, ХIамзалаева ПатIимат, Исупов Зураб, Асаева Зарема, Сагидова Загьидат (учительтал: Кьасумова Сапият, ХIажимурадов Щайхмурад, Сагидова Написат, Аьлибагова Муслимат); ЧIарттал школа: АхIмадова Жулиана, Мирзаева Наида, АхIмадов Алала, ХIанапиев Арслан, Татаров МахIаммад, Мусаев Султанмурад, Кьадирова Залина (учительтал: Ибрагьимова Чачара, АхIмадов Кирамуттин, ХIусайнов Аьбдуллагь, Кьадиров Макьсуд, МахIаммадова Аминат, МахIаммадова Маликат, МахIаммадова Сиясат, Цургъулова Мариян); ГьунчIукьатIрал школа: ХанмахIаммадов Кьурбан, Сулайманова Салидат, Хинчалова Лаура, ТIагьирова Зугьра, Чавтараев Адам, Амирова Аьшура, Темирханова ПатIимат (учительтал: Къушиева Сиянат, Аьлиева Роза, Штанчаева Жавагьи, Къушиева Анисат, Мазяева Зарема, Сулайманова Шура); Щардал школа: Оьмарова Сабина, Исяева Ххадижат, Шамилова Оксана, Исмяилова Соня, Оьмарова Виктория (учительтал: ЦIаххаева Сивана, ХIажиева Тигрина, Абакарова Батина, Аьлиева Жамила, ЛухIуева Афина); Хъурхърал школа: Хизиева Къисттаман, Хизиева ПатIимат, Ттупчиева ХIабибат, Раджабов Раджаб, Раджабова Аминат, Буттаева Балла, Каримов Муса, ХIажиев Рамазан (учительтал: Гъапурова Маликат, ХIасанаьлиев Алик, Куннаева Лимона, ЛухIуев Георгий, ХIажимарданова Аьйшат); КIундиннал школа: Аталомариева Залина, Оьмариева ПатIимат, МахIаммадов Сани, Ясулбуттаев Ажу, Узданова Клара, Аьбдуллаева Зайнаб, МахIаммадова Гьажар, Ибрагьимов Кьурбан (учительтал: Шихлаева Абризат, Хъунбуттаев Александр, Ибрагьимов ХIалим, Хуцаева Миясат, ХIажиева Абризат, Ибрагьимова Жасмира, Гуйдалаев Абакар, Хъунбуттаев Алмакьсуд); Хьурттал школа: Муртазааьлиев Муртазааьли, Аьбдуллаева Асват, Ванатиева Миясат, МахIаммадова ХIурун (учительтал: Гъазиев Оьмари, БижитIуев Аьбдул, Сулайманова Индира); Ккурккуллал школа: Мажидова Тамари, Мажидова ПатIимат, Буттаева Сабина, Гъужиева Анисат (учительтал: Магьдиев Аьбдулвагьаб, Буттаева Лидия); Кумиял школа: МахIаммадова Аида (учитель СалихIова Альбина); Ххюлуссуннал школа: ХIадисова Зулайхат; ШавкIуллал школа: ЦIургъулов МахIаммад, Жалаева Шамай; Хъунайннал школа: ХIасанов Султан, МахIаммадов Рамис (учительтал: Аьшаев Исрапил, Аьшаев Абусупиян, ХIасанова Диана, Учуева ХIурубича, ХIажиева Аьйша).
Учительтурал цIания олимпиадарттай ва конкурсирдай хьхьичIунсса кIанттурду бувгьусса дуклаки оьрчIахь барчаллагьгу тIий, насихIат бусласисса ихтилатраву Ибрагьимова Жасмирал увкунни:
«Дуккавриву бакъассагу, оьрмулуву хьхьичIунсса, Дагъусттаннан бакъассагу, щалва Аьрасатнан пахрулунсса инсантал букканнав зуяту. Яла чаннами умудру зуйнни жул бусса. КIулшиврул кьимат мудангу бюхттулну бивкIссар, амма кIулшивурттацIун хьхьичI бивхьусса мурадругу, ми дузрайн буккан бансса хъит учавугу аьркинссар», — увкуна.
Дуклаки оьрчIал нитти-буттал цIания учительтурахь барчаллагь тIий, оьрчIахьгу тIайлабацIу увкуна ЦIургъулова Гульнарал.
Дуклаки оьрчIал цIанияту учительтурахь барчаллагь увкуна райондалул мукьра олимпиадалий хьхьичIунсса кIантту бувгьусса Гъумучиял школалул 11-мур классрал дуклаки душ АхIмадова Сураял.
Дуккавриву хьхьичIунсса оьрчIансса шадлугърай балайрду увкуна Жамалуттинова Марияннул ва Какваева Шамсиятлул. Му хъиннура чIюлу дуруна Гъумучиял оьрчIал магьирлугърал школалул чIава гьунардучитурал.
