Май зурул 14-15-нний Ваччиял ОьнтIуллалу тIисса кIанай хьунни Ккуллал райондалул школардал туристурал ва тарихчитурал Республикалул бяст-ччаллил райондалул тур.

Микку гьурттушинна дунни райондалиясса 6 школалул: Хъусращиял, Ккуллал 1-мур, 2-мур, Ваччиял, ЧIяйннал ва Вихьуллал школардал. Шикку гьурттушинна дуван ккаккан бувну бия 2000-2002-ку шинал бувсса 8 оьрчIан ва 2 каялувчинан (1 тренер, 1 каялувчи) гьарца школалия. Му даву щаллу дуван ккаккан бувну бия Ккуллал райондалул УО-рал чулуха хIасул бувсса сакиншиндарал комитетран ва суд байсса коллегиялун. Лакрал райондалийсса Хъурхъиял школалия учIан увну ия ва даврил минахур учитель ХIасайниев Алик. Ссят 12-нний УО-рал хъунмур ХIаммакуева Альбинал тIиртIуна слет, барча бувна цинявппагу гьуртту хъанахъими. Миккусса хъунама пишакар ХIусайнов Юсуплул кIул бувна даврил тагьарданущал ва графикращал.
Цалчинмур кьини бувна укунсса бяст-ччаллу: чятирду бищаву, слетрал даву тIитIаву, краеведениялул, тарихрал даву, отчетру дулаву, краеведениялул, тарихрал викторина, турникрай оьрчIал гуж ккаккан баву, чурх гьаз буллай, лахIан буллалаву, «ЧIирал кказитрал» хасъсса темалиясса, «Шакил рищаврил» хасъсса темалиясса, дукра даврил ва багьу-бизулул, балай учаврил конкурсру.
КIилчинмур кьини хьуна укунсса бяст-ччаллу: «Контрольно-туристический маршрут», цивунгу 8 элемент духлахисса; «Туристическая техника», цивунгу 9-10 элемент духлахисса.
Туристурал ва краеведениялул соревнованиялул жям дурсса чIумал, суд байсса коллегиялул укунсса хIасиллу дурна:
Контрольно-туристический маршрутраву: 1-мур кIану – Ва­ччиял школалул; 2-мур кIану – Ккуллал 1-мур школалул; 3-мур кIану – ЧIяйннал школалул.
Туристический техникалуву:
1. Ккуллал 1-мур школа; 2. Ваччиял школа; 3. Вихьуллал школа.
Краеведениялуву цалла дур­сса давуртту ккаккан дуллали­сса ххуй-ххуйсса докладру бувна цинявннал. Цалчинмур кIану хьуна мукьва: Ваччиял (Мирзаев А.), Ккуллал 1-мур школалул (ХIасанова К.), ЧIяйннал (Сутаева Г.), Вихьуллал (Чупалаева А.) школардал; 2-мур кIану – Хъусращиял (Давдиева Ж.); 3-мур кIану – Ккуллал 2-мур школа (Аминова Ж.)
Краеведениялул викториналуву:
1. Ккуллал 1-мур школа (ХIасанова Г.); 2. Вихьуллал школа (Аьлиев А.); 3. Ваччиял школа (Рамазанов Э.)
Сурат рищаврил конкурсраву: 1. Ваччиял школа (ХIалимов А.); 2. Вихьуллал школа (Исяев Г.); 3. Ккуллал 1-мур школа (Гучаев О.)
Гужирал упражненияртту, оьрчIаву:
1. ЧIяйннал школа (Мамадаьлиев Н.); 2. Вихьуллал школа (Къадиев Кь.); 3. Хъусращиял школа (МахIаммадов Р.), Ккуллал 2-мур школа (Шамхалов А.).
Душвараву:
1. Ккуллал 1-мур школа (Ушанова Х.); 2. Ккуллал 2-мур школа (Гучаева А.); 3. Хъусращиял школа (Шарипова А.)
«ЧIирал кказитрал» конкурс:
1. Хъусращиял (Шарипова А., Базаев Г.); 2. ЧIяйннал (ХIаммакуева Ю., Сутаева Г., АьбдурахIманов Ш.); 3. Вихьуллал (Оьмарова М.), Ваччиял (Ибрагьимов М.)
ХIисав къабувссагу кIива конкурс хьунни: дукра даврил ва балай учаврил. Циняв школардал цIигьуртурал нахIу-нахIусса дукрарду дурну дия.
ОьрчIал дурсса гьурттушинна хIисавравун ларсун, командарттал бувгьусса кIанттурду укунсса хьуна:
1. Ккуллал 1-мур школа; 2. Ваччиял школа; 3. Вихьуллал школа.
Республикалул туристурал слетрай гьуртту хьунтIиссар Ккуллал 1-мур школалул команда. Жувагу тIайлабацIу чIа учинну миннан.
Юсуп ХIусайнов,
Ккуллал УО-лул пишакар