Дагъусттаннал кIулшиву дулаврил ва элмулул министерствалул хIукму бувну бур школарттай хIасул дан «Волонтертал» тIисса сакиншиннарду.
Мунин бувну Ккуллал райондалул шяраваллавусса школарттай хIасул дурунни волонтертурал отрядру. Октябрь барз бугьараминнал барзну ккаккан бувну бухьукун, шяраваллавусса бугьараминнан кумагру баврия дайдирхьунни миннал цала давуртту.
Ххуйсса давуртту дувунни ЧIяйннал, Ккуллал кIилчинмур, Хъусращиял, Хъювхъиял, ЦIуйшиял, Ваччиял,Вихьуллал школарттал волонтертурал. Ми отрядирттал дурсса давуртту чIярусса дур: хъуниминнаха аякьа даву, гайннал янна-ка шюшаву,кIичIиравалу марцI баву, щин ласаву, цIуцIиначIан хIакиннайн оьвкуну ганан аьркинсса даруртту ласаву ва цаймигу кумагру баву.Ми бугьараминнан кумаг буллалисса отрядирттайн: «Арцул волонтерства», — тIисса цIа дирзун дур. Волонтертурал цала дурсса давурттая суратру ларсун гай соцсетирттай дихьлай бур. Дуллай бур мукунма райондалул кIулшиву дулаврил управлениялийн отчетру цала дурсса давурттая.
Юсуп ХIусайнов,
КIулшиву дулаврил
управлениялул пишакар
Лажин хIадур дурссар
ХIажимурад ХIусайновлул
