Лакрал райондалийн даврил аьрххилий увкIун ия ДР-лул цифрардал лябуккулул министр Юрий ХIамзатов.

Имара Саидова

Ванащал бувкIун бия ЦУР-данул каялувчи Ислам Мусаев, Цифрардал паччахIлугърал управлениялул отделданул каялувчи Айдимер Абусидиков.

Администрациялул актовый залдануву хьунни Лакрал, Ккуллал, Ахъушиял ва Дахадаевуллал районнал цифровизация даврийн багьайсса семинар.
Му сакин бувну бия Минцифрылул ЦУР-дануцIун цачIуну.
Семинарданий гьуртту хъанахъиминнал ххал бивгьунни «Госвеб» ва «Госпаблик» тIисса федерал проектру ва № 8-ФЗ Федерал закон биттур даву.

Ххал бивгьунни социал агьамшиву дусса муниципал хIаллихшиннарду «Госуслуги» идаралийхчил электрон кьаралданийн буцаву. Дурунни кIанттул цилакаялувшиндарал органнал агьалинащалсса дахIаврил платформа зузи даврил хIасиллу.