Музейрал зузалтрал хIадур дурну дия аьламрая бусласисса луттирдал выставка. Муса Маннаровлул оьрмулия, МАИ-лувусса дуккаврия, аьламравунсса ххуллия бувсунни музейрал директор Бадиулжамал Мусиевал ва элмийсса зузала Шарипат Къантулаевал.
КIицI лаглай бия Муса Маннаровлул Виричунан хасъсса хасиятирттая – пишалул усттаршиврия, захIмат ххирашиврия, мурадрайн иянсса кьаст лахIаврия.
Дуклаки оьрчIал хъинну гъирарай ххал дунни миллатрал цIанихсса арснал суратру, муная личIи-личIисса шиннардий чирчусса макьалартту, мунал аьламраву ларххун диркIсса янна. Дурккуна лакрал шаэртурал Муса Маннаровлуя чирчусса назмурду.
