КIяла жавж (имбирь) – чурххан чара бакъа аьркин­сса витаминнал ва микроэлементирттал мяъданни. Шиву буссар липидру, фосфор, кальций, магний, железо, калий, витаминну А,С,В ва м.ц.

Ссанни хъинсса кIяла жавж? - Дукра лялиян дайссар, ци диял дакъашиву духьурчагу, хъун ххюттуйсса дурухрулунгу (рак) кIяла жавж чара бакъа аьркинсса даруври.
- Иммунитет гьаз дай­ссар. Аьвкъу-гъили шаву, ОРВИ, грипп иммунитет лагьминнайн ччя-ччяни дияйсса цIуцIавурттур, эпидемиялул чIумал ишла булларча кIяла жавж, иммунитет гьаз дан кумаг шайссар.
- Хъинссар кIяла жавж лякьлуву оьрчI бусса хъаннингу, оьрчI къахъанахъиминнангу, миома, спайки думиннангу.
- КIяла жавжращал дусшиву дан бучIиссар арамтуннангу, простатит думиннан хъиннува.
КъюкIлин: гьарца кьини кIюрххилссаннун касак ччатIул, ницIгу дургъун, чансса гьарусса дарчингу ялун дирчуну канарча, мув ххуйсса даруври къюкIлингу, туннурдангу.
- Склерозран: ца стакан чимусул сокрал ххуйну хIала бай­ссар микссара ницIащал, гьантлун шамийла ца-ца хъуна къуса дукра дукан ца ссятрал хьхьичI канарча хъинссар.
- Ччурччусса щавуй диширча ницI, цаппара хIаллава цIуцIаву лахъ хьунтIиссар, хъин хъана­хъавугу анавар дуккантIиссар.
- Минерал щинал ца стакандалуву ца хъунна къуса ницIал, ца лимондалул сок хIала дайссар. КIира нюжмардий дачIра ххю­ттуйн вай щин хIачIларча, давление цила ххуттайн дагьайссар. ХIадур бувссар Т. ХIажиевал