НацIушиву жула организ-малун чара бакъа аьркин­с­сар. Канакияра ницI, ахъул­сса, ахънилсса. МарцIсса качарунния махъаллил шияра. Мунийну зул цIуцIавуртту чан хьун­тIиссар.

Агарда организмалуву ххи­сса нацIушиву духьурча:
-Лагь шайссар иммунитет.
-Обмен веществ лияйссар.
-Глюкоза ва инсулин гьарза шайссар.
-Савав шайссар хъазамраву, яичникирттай, ххюттукалий дурухлу (рак) хьун.
-Чани чан шайссар.
-КьурчIи щин дуллан дикIай­ссар.
-Ччяни хъунав хъанан икIай­ссар.
-Кариес, пародонтоз шай­ссар.
-Мюрш ххюттулий щавурду хьун савав шайссар.
-Бюхъайссар артрит сукку дангу.
-Бронхирдал астмалул приступру сукку дайссар.
-КъюкIлил азаруннин савав шайссар.
-Склероз, варикоз, геморрой сукку дайссар.
-Оьттул давление ва холестерин гьаз байссар.
-БакIравун къюву дагьай­ссар, аллергия сукку дайссар.

Качарданун кIанай канакияра:
ТIутIи — шиву буссар глюкоза, А, В, С, витаминну, шиву буссар хайр бусса минераллу, кальций, фосфор, железо;
НицI – шиву буссар 41% фруктозалул, 34% глюкозалул. Буссар чIявусса витаминну, вайннул къюкIлил даву ххуй дайссар.
Ахъулсса, ахънилсри: апельсиндалуву, банандалуву, къуруву, чIикIунтIалуву, гьивчуву ва м.ц. буссар чIявусса витаминну ва чIявусса минераллу. Укунсса нацIушиврул оьттувусса сахар гьаз хьун къабитайссар.
-КъюкIлил къашавайминнан ва давление гьаз хьуний канакияра 10 шабалут (каштан).
-КъюкI, ххюттука ххуйну зун­­шиврул канакисса дукралин дичлан аьркинссар кардамон.
-КканпIитIран кIанай канакияра пастила, мармелад, мураппа, вайннуву дакъассар аьгъу­шиву, дуссар чурххан хайр бусса углеводру, микроэлементру.

НицIащалсса халкьуннал рецептру

Анемия
НицIал оь ххуй байссар, аьркинмунил щаллу байссар, ницI цIансса духьурча хъиннура хъинссар.
-дирсса банан ца хъунна къуса ницIащал хIала дурну гьантлун 1-2 канарча хъинссар.

Холестерин
Качарданун кIанай ницI канарча оьккимур холестерин чан шайссар.

Лахъсса давление
-Лахъсса давление духьурча ца ч.къуса ницIал, 1 ч. къуса кIяла жавжрал сокрал, 1 ч. къуса гьавусса явщул хIала бувну гьантлун 2 канарча хъинссар лякьлувун къюву дуний. Ца ч. къуса ницIал, дачIи лимондалул сок ца кIирисса щинал стакандалийн дуртIуну, ххуйну хIала дурну, дачIра ххюттуйн хIачIарча къюву лагь шайссар.