[dropcap]Я[/dropcap]нварь зурул 27-нний МахIачкъалалий Дагъусттаннал искусствалул центрданий хьусса каратэлул первенствалий ЦIуссалакрал райондалул оьрчIал ва мюрщи жагьилтурал 1-мур спортшкола хьхьичI ххуттай ккавккунни.
[dropcap]В[/dropcap]ай бяст-ччаллаву гьуртту хьунни Дагъусттаннал шагьрурдаясса ва районнаясса яла хьхьичIунми, цIанихми школарттал 8 команда. Миннавух ия «Иппон» спорт клубрал каялувчи ХIаммадов Русланнул вардиш увсса 11 спортсмен. Имара Саидова АцIния мукьра шинавун бияннинсса спортсментураву цалчинсса кIантту бувгьунни Ссамадов Артурдул ва ХIажиева Аминал. КIилчинсса кIантту бувгьуну, арцул медаллу ларсунни Буттаев Хизрил ва ХIажиев МахIаммадлул. Шамилчинсса кIантту бувгьунни Оьмариев Шамиллул ва ХIасанов Амирдул. Барча дуллай буру жула чIава спортсментурал хьхьичIунсса хIасиллу, чIа тIий буру гихунмайгу тIайлабацIуртту.