ЧIяйннал шяраву
Хъаннил байрандалул кьини ххуйну хьунадаркьунни ЧIяйннал культуралул къатлуву.
Шиккун бувкIун бия шяраваллил хъами-душру, дуклаки оьрчIру ва мюрщулт. Байран тIиртуна 8-мур мартрал кьинилиин хас бувсса шеърилийну культуралул къатлул хъунмур Алхасова СалихIатлул:
Яргну парх диркI дараччул
Ца-ца ритлай, кацI банна,
Зул байран барча дуван,
Гьарцаннун пишкаш банна.
[dropcap]М[/dropcap]ажлисрайн бавтIми мукунма барча буллалисса махъру лавхъуна: Рамазанова Майсаратлул, Апанниева Магьиятлул, ХIанапиева Магьиятлул, Илдарова Шавлухълул, АьбдурахIманова Сиясатлул, Каримова Ххадижатлул, КьурбанмахIаммадова Самилжигьаннул.
Ниттихъул барча буван оьрчIал дурккуна назмурду, увкуна балайрду. Ккаккан дуруна концерт. ТIивтIуну бия авадансса ссупрагу.
Барча, хъамий, зул байран!
