[dropcap]М[/dropcap]арт зурул 18-нний ЦIуссалакрал районналий дуллалисса объектирдал ялтту буккан бувкIун бия Дагъусттан Республикалул правительствалул
вице-премьернал бигарду биттур буллалисса Инсаф Хайрулиннул каялувшиннарайсса Ведомствардал дянивсса делегация. Вайннал ххал диргьунни ЦIуминалий дуллай байбивхьусса объектру.
Имара Саидова
[dropcap]О[/dropcap]бъектру ххал дигьин бувкIминнавух бия ДР-лул ХIукуматрал ЦIуссалакрал райондалия агьали бизан баврил ва Аьккиял район цIу дуккан даврил масъалартталсса буллалисса управлениялул хъунама МахIаммадаьли МахIаммадаьлиев, АьФ-лул ва ДР-лул Счетный палатардал вакилтал, Республикалул экономикалул министрнал хъиривчу АьбдурахIман АьбдурахIманов, ДР-лул ЖКХ-лул ва строительствалул министрнал хъиривчу Ибрагьим Абакаров, «Новострой» строительствардал объектирдал дирекциялул каялувчитал, ЦIуссалакрал райондалул администрациялул бакIчинал хъиривчутал Аьли Исрапилов ва ХIажи ХIажиев, ЦIуссалакрал райондалул Хъунисриннал советрал председатель АхIмад Нахаев ва цаймигу.
Делегациялул цалчин ххал диргьунни бизан баврицIун бавхIусса инвестициялул программалул лагрулий ДучIиннал шяраву буллай байбивхьусса оьрчIал багърал строительствалул тагьар. Гьашину июнь зурул ахирданий бувну къуртал бан най бур 90 оьрчIансса кIану бусса ДучIивсса садик. Хъирив ххал диргьунни Аьхъардал, Шушиннал, ЦIуссачIурттащиял, ДучIиннал, Гьамиящиял шяраваллавунсса ххуллурдал сетру ва инженер-коммуникация цIу дуккан дуллалисса объектру.
