Августрал 26-27-нний Ккуллал райондалийн бивчунни хъунисса зараллу биян бувсса чявхъа. Зия дунни инсантурал дургьусса бакIлахъия. Вихьлив, Къянив, Хъювхъав, Ссухъияхь, ЦIувшав, инсантурал къатрал магъив ларсун, шиферду ккутIари дурну, хъунисса баларду ликкан бувунни. Дуцан дурну дия токрал ххаллу, гъагъан бувну бия пасенкарттащалсса тталлу.
Хъиривмур кьини, августрал 28-нний Ккуллал райондалийсса Гергебиллал электросетирдал участокрал зузалтрал хъинну анаварсса мутталий, чIумух къабурувгун зий, маркIачIаннин кIицI дурсса шяраваллавун чани биян бувунни.
Ккуллал райондалийсса Гергебиллал электросетирдал участкалул хъунама Кьурбанов Аьвдуллагьлул бувсунни:
— Бигьалагай кьинилух къабурувгун, жул канилусса зузалтрал инсантурал къатравун цIан лакьиннин чани биян бувссар. Ва чявхълул бия 6 ттала гъагъан бувну, ми баххана бувссар. Даххана дуван багьунни сайки ца километралийн дирсса токрал ххаллу. Шяравусса трансформатордай ччурччусса предохранителлугу даххана дурссар. Ттущал архIал зий ивкIссар 10 зузала: Шамххалов Рамазан, Исяев Абакар, Шамххалов Кьурбан, Маммаев Аздар, ХIасанов Руслан, Давдиев Раджаб, Кьурбанаьлиев Сулайман, Усттаров Сергей.
ХIадур бувссар
ХIажимурад ХIусайновлул