Сентябрь зурул 3-нний Ккуллал райондалул УО-лул бавтIун бия ялунчIин 11 ва 9 классру къуртал буллалисса дуклаки оьрчIал нитти-бутта. Ва батIаврил агьаммур масъалану хъанай бия дуккаврил шинал бакIрайва оьрчIру хIадур буллан аьркиншиву ЕГЭ-рду дуллан.

Гьарца четвертрал ахирданий дикIантIишиву бувсуна оьрчIру сасан бувансса умудрайсса ЕГЭ-рду Ккуллал 2-мур школалий. Ларгсса дуккаврил шинал дуллусса экзаменнал иш-тагьар цукун хьуссарив гьарта-гьарзану бувсуна УО-лул хъунмунил хъиривманал Оьмариев Жамалуттиннул. Нитти-буттахъал буллусса суаллахьхьун дуллуна жавабру.
Шиккува дакIнийн бувтуна шиннардил хьхьичI Бесланнай дуккаврил шинал дайдихьулий хьуну диркIсса террорданиягу. КIицI бувуна та балаллул чIумал ахиратравун лавгсса оьрчIал нитти-буттахъащал цану бушиву Ккуллал райондалул дуклаки оьрч1ал нину-ппугу.