Администрациялул залдануву хьунни райондалул депутатътурал собраниялул ирглийсса сессия. Сессиялий гьуртту хъанай бия, депутатътал бакъасса, шяраваллал бакIчитал ва идарарттал каялувчиталгу.
[dropcap]Ш[/dropcap]икку ххал бивгьуна ларгсса 2019-ку шинал дурсса давурттал хIасиллу, райондалул бюджет биттур баврил масъала, райондалул сияхIрайсса, цаппара шяраваллал администрациярттайн тапшур даву, райондалул уставравусса цаппара дахханашивуртту.
Ларгсса шинал дуван бювхъусса давурттая гьарза-гьартану бувсуна райондалул бакIчи Шамил Рамазановлул. Ванал хъирив райондалул финансирттал управлениялул хъунама Кьурбан Амучиевлул бувсуна ларгсса шинал биттур бувсса бюджетрая.
[dropcap]С[/dropcap]ессиялий цала дурсса давурттая бувсуна цаппара идарарттал каялучитуралгу. ДукIусса шинал ахирданий Хъусращиял ва Вихьуллал шяраваллаву бувсса паркру вай шяраваллал сияхIрайн ласласисса хIукму цIакь бувна. Ххал бивгьуна цаймигу райондалул оьрмулун хасъсса масъалартту.
