ДР-лул Миллатрал политикалул министерствалул сипталийн бувну, 2016 шинал «Укрепление единства российской нации и этнокультурное развитие народов России (2014 – 2020)» Федерал целевой программалувун ларсун дур Миллатрал мазру лахьхьаврил центр тIитIинсса мероприятияртту.
Бадрижамал Аьлиева
Центрданул, хьхьичIва-хьхьичI, цийнма ласун аьркинссар «полевой» материал датIлансса Дагъусттаннал районнайнсса экспедицияртту сакин баврил даву. Мукунма Центрданул хьхьичI бивхьусса масъаларттуну хьунтIиссар мазурдил ва лугъатирттал документация, яни, хьхьичIва-хьхьичI, мазурдил текстовый, аудио ва видеоматериаллал банк сакин баву.
Центр сакин баврил цалчинмур этапрай итадаркьуну дур 150 азарда къуруш. Республикалул бюджетравасса софинансированиялул лагру хьун най дур 500 азарда къурушрайн дирсса.
Миллатирттал мазру лахьхьаврил центрданул мукунна дуллантIиссар дуклаки оьрчIал ва студентътурал дянив ниттил мазру машгьур баврил, миннан информациялийну ва методикалул материалданийну кумаг баврил даву, мукунма Дагъусттаннал халкьуннал мазурдил авадансса ирс буруччаврийн тIайла дурсса личIи-личIисса проектру щаллу давриву кумаг буллантIиссар.
Цалсса уттигу му Центр чув бикIантIиссарив кIулну бакъар. ДР-лул Министерствалуву увкусса куццуй, му бикIан багьлай бур элмийсса хъиривлаявурттал ягу элмийсса ва кIулшивуртту дулаврил хъунмасса центрданул базалий. Ва проект щаллу дуванма язи угьан дуван тIий бур конкурсрал давуртту.
