Ноябрь зурул 30-нний Ваччавсса библиотекалул читальный залдануву хьунни Ниттил кьинилун хас дурсса тяхъашиву. Шиккун бавтIун бия райондалул культуралул зузалт, райондалий­сса идарарттал бакIчитал, къуллугъчитал, райондалул бакIчинал хъиривмур Сабрина Илиясова, хIурмат лавайсса ниттихъул.

Тяхъашиву дурну дия лагма столлу бивхьуну, чяй ва нацIу-кьацIу дусса ссупра тIивтIуну.
Ниттил кьинилущал циняв­ппа ниттихъул барча бувна райондалул бакIчинал цIания Сабрина Илиясовал, чIа увкуна гьарцагу кулпатраву иминшиву, дакьаву, оьрчIал нину-ппу ххари буллалаву ва зузисса ниттихъан давур­ттаву тIайлабацIу. Махъру лавхъуна цайминналгу.
Тяхъашиврий къавтIавуртту ккаккан дурна, балайрду увкуна культуралул зузалтрал хIадур бувсса душварал ва оьрчIал.
ЦIуллушиву дулуннав зун, ниттихъул!
ХIадур бувссар
ХIажимурад ХIусайновлул