Мартрал 21-нний Каспийскалий, Аьрасатнал Халкьуннал аслийсса культуралул центрданий, хьунни Интнил хьхьу – Навруз-байран хьунадакьлакьисса мажлис.

Мунийн бавтIун бия шагьрулул администрациялул, оьрчIал творчествалул идарарттал вакилтал, дуклаки оьрчIру ва шагьрулул 8-мур ясли-садрал мюрщулт.
Центрданул директор Башикар Гадаевал бувсунни ва байрандалул мархрая, тарихрая, байрандалуцIун дархIуну, хьхьичIра диркIми ва уттинин яхьуми аьдатирттая. Дуклаки оьрчIал ва мюрщултрал увкуна балайрду, дурккуна интнихасса назмурду. Цинявнналагу архIал ххал дуруна видеофильмгу.
Байрандалун хасну къур бувсса ссупралухун бавтIун бивкIми бувккуна хIаятравун, къавтIилухунгу.