Гъумучиял «Солнышко» оьрчIал багърал хьунни цалчинсса выпуск. Му шадлугърай гьуртту хьунни райондалул бакIчинал цалчинма хъиривчу Абакар Къюннуев,КIулшиву дулаврил управлениялул каялувчи Явсупи ХIамзаев, оьрчIал нину-ппу, идаралул зузалт.
Ххари бунни мюрщултрал байрандалийн бувкIми цала кIулшивурттайну: дурккунни назмурду, увкунни балайрду, ккаккан дурунни къавтIавуртту.
Идаралул каялувчи Зулайхат Макьсудовал бувсунни оьрчIал багъ тIивтIуну гьашину хъанай душиву 3 шин.
-ХIакьину жу пашманнугу, ххаринугу буру зу жучIатува нанаврия. Зуя байбивхьуссар багърал тарих, бигьану бакъар цакуну зуяту личIи хьунгу. Ххаришиву ссая дур чирча, му дур зу жула итталу хъуни шаврия, жущара зухьхьун кIулшивурттал кIула дулун бюхъаврия. Тти зу оьрчIшиврул ца бутIува бувкссару. ЧIал къавхьуну бухлахиссару цIусса оьрмулувун. ТIайлабацIусса хьуннав зул ххуллу! — кунни Зулайхатлул.
Абакар Къюннуевлул барчаллагь увкунни оьрчIал багърал тарбиячитурахь, оьрчIал нитти-буттахъахь. ОьрчIан чIа увкунни чIявусса тIайлабацIуртту.
Буллунни оьрчIахьхьун багъ къуртал бувшиврул дипломругу. Барчаллагьрал чагъарду буллунни тарбиячитуран ва нитти-буттан.
Ахирданий оьрчIал савлугъран итабавкьунни ссавруннайн шарду.
