ЦIуссалакрал райондалул агьалинал социал къайгъурдалсса буллалисса центрданий, щалла дунияллий кIицI лагайсса Мушакъатминнал кьинилун хасну, мушакъатсса оьрчIру хъуни буллалисса ниттихъал дакIру тирх учин дуллалисса мероприятие хьунни.
ЦСОН-далул пишакар Зарема Аьлиевал балжину бувсунни мушакъатсса оьрчIру ябуллалисса кулпатирттан цуку-цукунсса хIаллихшиннарду дуссарив. Ниттихъалгу бувсунни хIакьинусса кьини цалва оьрмулувусса захIматшивурттая, дузал бувну ччисса масъаларттая. ЦСОН-далул коллективрал махъ буллунни цавагу мюхтажсса кулпат лях гьан къабивтун, уттиния тинмайгу миннал чIарав бацIлан, шайсса ка-кумаг буллан.
