Витамин А
Агарда зун биял къахъанай бухьурча витамин А:
— бурчуй ччя-ччяни тIинкIру хъанан дикIайссар;
-дукралухсса тамахI кьукьайссар;
-чани чан хьуну чIалан бикIайссар;
-ччя-ччяни аьвкъу-гъили хъанан икIайссар.

Цири диял къахъанахъи­сса?
-Зул менюраву чан хьуссар аьгъушиву хIаласса продукты. Витамин А цийнува цу­ппа къалялияйссар, аьгъушиврущал бакъа. Мунияту аьркинссар аьгъушиву ишла дуллан, ххяххиялулссагу, гъаттарал, хIайвандалулссагу.

Ци бан аьркинссар?
-Хъахъисса, наранжисса рангирдал ахъулсса ва ахънилсри, балугъ, лагаву канан, накI хIачIлан аьркинссар, витамин А бусса продукты- къур, петрушка, шпинат канан аьркинссар.

Витамин В
Агарда биял хъанай бакъахьурча В группалул витамин:
-зул шану бухлагайссар;
-кIизул цIай бухлагайссар;
-кьацIлива ххуй дакъасса кьанкь дачайссар;
-ччя-ччяни бакI гьанай, цIун бикIайссар;
-кьавс шайссар

Цири чурххан диял къахъанахъисса?
-Клетчатка. Ххюттука цила кьаралданий зузинийри Витамин В-гу лялияйсса, буз шай­сса.

Ци бан аьркинссар?
Хъала иникIмалул ччатI, ахънилсса, гьивхь канан аьркин­ссар.

Витамин В12 буссар гъаттарал дикIуву, накIливу.
Витамин В3 буссар чIявусса шаппаллил лелуххантрал дикIуву, хьхьирил балугъраву, хъюрураву, кIурхру дучIан дурсса къалмуву.
Витамин В чIявуссар пивалул лахърулуву, кIурхру дучIан дур­сса къалмуву, кIучIалттуву (отруби), ттиликIраву.

Витамин С
Агарда зун биял хъанай ба­къахьурча С группалул витаминну:
-ччя-ччяни бухлан бикIай­ссар;
-щавурду хъунмасса хIаллай хъин къашайссар;
-буч хъанан бикIайссар, личIину чIярусса къаканарчангу;
-пIапIрус тIиссаннал бурчуй оьттубацIурду чан къашайссар.
ПIапIрус тIутIиминнан витамин С хъиннува гьарзану аьркинссар, цанчирча никотиндалул витамин С чурххава бу­ккан байссар, мукссара заралссар чурххан хIангу.

Ци бан аьркинссар?
Киви, брокколи (капуста), шпинат, хъанакIул чяй, апельсин, мандарин канан аьркин­ссар.
Витамин С чIявуссар клуб­­­никалуву, кьурчIуву, оьр­чIи­кIурилуву.
ХIадур бувссар
Т. ХIажиевал