Ккуллал райондалул КIулшиву дулаврил управлениялул цIусса бакIчи ивтунни. Актовый залданувун бавтIун бия райондалийсса школардал, оьрчIал багъирдал, ххисса кIулшиву дулаврил центрдал, искусствардал школардал директортал.
Райондалул бакIчи Сулайманов Сяидлул бувсуна, Управлениялул хьхьичIма бакIчинал цува рязийну даврия укьансса аьрза булаврийн бувну, цала цIакь увшиву цIусса – ЧIяйннал оьрчIал багърал хъунмурну зий бивкIсса ХIаммакуева Альбина ХIажинал душ.
Залданувун бавтIминнащал кIул шайхту, Альбина ХIажиевнал бавтIминнахь бувсуна цилла цукунсса тIалавшиннарду дикIантIиссарив.
Умуд бур жагьилсса каялувчинал давурттив ххуй чулиннай дачин дуванссар тIисса.
