Итни кьини Лакрал райондалул администрациялул актовый залдануву хьунни Дагъусттаннал Конституциялул Кьинилун хас дурсса батIаву. Муний гьуртту хьунни администрациялул бакIчитал ва зузалт, идарарттал каялувчитал ва зузалт.
Райондалул бакIчи Юсуп МахIаммадовлул барча бунни бавтIми республикалул агьаммур байрандалущал. Дурккунни ДР-лул БакIчи Рамазан АьбдуллатIиповлуясса, ХIукуматрал хъунама Аьбдуссамад ХIамидовлуясса ва Халкьуннал Мажлисрал хъунама Хизри Шихсаидовлуясса барча бавуртту.
Райондалул прокурор Светозар Оьмаровлул бувсуна Дагъусттаннал Конституция кьамул баврил тарихрая, Конституциялул агьамшиврия. Муния махъ райондалул магьирлугърал къатлул зузалтрал ккаккан дуруна концерт.
