Майрал 18-нний Вихьуллал шяраваллил Искусствалул школалул къатлуву гьарта-гьарзасса уттарашинна дия.
Шиккун школалул давурттащал кIул хьун бувкIун бия Ккуллал райондалийсса ххисса кIулшиву дулайсса идарарттал пишакартал ва цаппара искусствалул школарттал бакIчитал.Миннавух бия: Ваччавсса оьрчIал творчествалул къатлул пишакар Маржанат Аьбдуллаева, вава къатлул педагогтал Зарипат Аьшаева, Зуйлишан Мянчиева,1-мур ЦIувкIуллал пагьламантурал школалул директор Рамазан ХIажиев. Шиккува бия Вихьуллал Культуралул къатлул директор ХIасанхIусайнова Рукьижат, Вихьуллал Культуралул къатлул зузала БухIанова Заннишан, Вихьуллал Искусствалул школалул директор ХIажиев МухIсин, вава школалул зузалт ХIасанова Залина, Оьмарова Сельвия, Абачараева Гулизар, Вихьуллал дянивмур даражалул школалул директорнал хъиривчу МахIаммадова Жинасат, Вихьуллал школалул пионервожатая Кьурбанова ПатIима ва Вихьуллал шяраваллил бакIчи Сулайманов СайкIу.
Мастер-класс ккаккан буллай бия Абачараева Гулизардул хIадур бувсса оьрчI-душварал группа. ОьрчIал ккаккан дурна Вихьуллал шяраваллин хасъсса къавтIавуртту, увкуна такну ва аьмну личIи-личIисса балайрдугу. КъавтIавуртту дурну, балайрду увкуну махъ ккаккан дурна мукунна ХIасанова Залинал школалийн заназисса оьрчIал дирхьусса суратру. Искусствалул школалул бувагу ца къатта бакъа бакъашиврийн бувну, вай ккаккан дувансса (выставка дувансса) иш-тагьар дакъашивриягу ихтилат хьуна.
Яла Аьбдуллаева Маржанатлул бувна гьарта-гьарзасса, оьрчIал пагьму-гьунардан хас бувсса ихтилат.
Ихтилатру бувна мастер-класс ккаккан шиккун бувкIсса гайми хъамаллуралгу.
