2015 шиналсса пландалийн бувну, райондалул МФЦ-лул къатраву хьунни зузалтрал цIу дагьаврия мюхчан хьунсса кIулшивуртту ххалдуллалисса дарсру. Микку ххалдигьлай дия хархавар бакъасса апатIраву агьали мюхчан бансса давуртту.
Зулайхат Тахакьаева
Му давриву гьуртту хьунни райондалул администрациялул ГО ЧС-рал ва цIу дагьаврия мюхчан баврил отделданул хьхьичIунсса пишакар Надир ХIасанов, террорданийн къаршисса отделданул каялувчи Щамххал Сайпуллаев, Аьрасатнал МЧС-рал Дагъусттаннаймур управлениялул Лакрал ва Ккуллал районнайсса даврил ялув бацIаврил отделданул каялувчи Басир МахIаммадов.
Ххалбигьавуртту дуллалиссаксса чIумуй МФЦ-лул цинявппагу зузалт, авара хъун къадурну, паракьатну бувккунни ккаккан бувсса кIанттайн. Муния махъ ххалдунни зузалтрал кIулшивуртту.
«Ва ххалбигьаврил чIалачIи бунни МФЦ-луву тренировкарду чIун-чIумуй дайшиву, гьарца зузалан кIулну бур цалва буржру», — увкунни Надир ХIасановлул.
