Октябрь зурул 28-нний Ккуллал райондалийсса шяраваллаву дунни инсантурал цала хIаятру, кIичIиртту, идарарттал лагмасса кIанттурду марцI буллалисса субботник.
Мукунна Хъун неххай ва мунивун хIала духлахисса ратIал зумардайх, шушри, пакетру бавтIун, марцIшиву дурунни. Субботникравух гьуртту хьунни циняв идарарттал зузалт. Хъиннува кIицI буван ччива школардал дуклаки оьрчIру, райондалул администрациялул зузалт, социал службардал, УО-лул пишакартал. Субботник хас дурну дия ноябрьданул 4-нний хьунадакьлакьисса Халкьуннал цашиврул байрандалийнсса хIа-дуршинналийн.
