Январь зурул 20-нний Ккуллал райондалул Аьрасатнал халкьуннал аслийсса культуралул къатлуву хьунни Дагъусттаннал Автономия баян бувну 95 шин там шаврин хас дурсса батIаву.
БатIавриву гьуртту хъанай бия райондалийсса шяраваллал бакIчитал, школардал директортал, идарарттал хъуними, интеллигенция ва цаймигу. Ва кьинилун хас бувсса доклад бувна Ккуллал райондалул администрациялул политикалул отделданул бакIчи Хизриев Шамххаллул. Муния махъ райондалул культуралул зузалтрал ккаккан дурна концерт.
