[dropcap]В[/dropcap]ирттавран лайкьсса даву дурунни ГьунчIукьатIрал жяматрал. Вирттавран лайкьсса даву дайсса так вирттавралли. Виричушиврун багьайсса кьимат бищун бюхъайсса цавурагу чувшиву, инсаншиву хъуннасса думанащар.

Вирттал чIявусса, щалла дунияллийх учирчангу, цIа ларг­сса шяравалур ГьунчIукьатIи. Хайр бусса давурттив уттинингу чIярусса дурссар вайннал арсурваврал ва душваврал: Амаев, Дандамаев, Хинчалов, Мудунов, Кьурбанаьлиев, Сулайман, Забибуллагь, Сакрат – циняв ккаларчан, лахъи хьун­ссар сияхI. Мариян ЧIибил душ, лак­рал чанна цIуку хьусса. Циняв цIарду къатIаврий багъишла итира. Амма ххи къадурну кьаритан къахьунссар ХIусайнов ХIажибуттал цIа. Гьарца даврил цила бакIчи икIайссар. ХIажибутта, жяматрайн дагьай­сса гьарцагу давурттаву хьхьичI кьюкьлуву ур.

Шяравун нани­сса ххуллийх дяъвилий гьуртту хьусса ГьунчIукьатIатусса ва КIямашатусса вирттавран цIа кусса мурхьру бувгьунни жямат­рал. Ва даву кьиматрал хъиннува ларайсса давур. Барчаллагь тIий ура Лакрал Хъунисриннал советрал чулухату. ХIажибутта кунмасса, ванал лагма лавгми кунмасса чиваркI чIяву баннав.
ГьунчIукьатIрал жяматрах­сса ччаву ттул мудангу хъуннассия. Уттирив, ва ххаллилсса даву дурну махъ, хъиннура гужлан хьунни. Бюхттулсса таварих – Ххувшаву ларсун 75 шин хьуннин ттигу чIун дур, укунна­сса давурттив цайми-цайми жяматиртталгу дуванссар тIисса умуд бур.

Даниял Магьдиев, Лакрал райондалул Ветерантурал советрал хъунама