Февральданул 19-нний МахIачкъалалив кIулшивурттал даража лахъ байсса Дагъусттаннал институтраву шагьрурдал ва шяраваллал школардаясса дуклаки оьрчIал дянивсса ниттил мазурдий шеърирду ккалаккисса республикалул конкурс хьуссия.
З. АьбдурахIманова
Ва конкурсраву гьуртту хьусса арула лакку оьрчIал дяниву 1-мур кIанттун лайкь хьуну бур цIу миналийсса ЦIуссалакрал гимназиялуву 11-мур классраву дуклакисса Миясат Качаева.
Шикку ванил бувккуну бур Мирза Давыдовлул «Ниттил суратрал хьхьичI» тIисса шеъри. Миясат конкурсрайн хIадур бувну бур гимназиялуву зузи_сса ванил учительница Аьлибуттаева Ильмисат Кьурбановнал. Миясатлул, конкурсраву тIалав буллалисса куццуй, хъинну пасихIну ва дюхханну дурккуну дур назму, вайннуцIун артистизмрал гьунаргу ккаккан бувну. Жюрилулгу лайкьминнавагу яла лайкьмунин ва ккалли бувну бур.
Жула чулухагу Миясат барча буллай, чIа учин ччай бур ванин тIайлабацIу ва ванияр гихунмайгу, хьхьичIу-хьхьичIунсса кIанттурдан лайкь хъанай, цинявннан эбратрансса душ хьуннав.
