ХIурмат лавайсса Сиражу­ттин МахIаммадович! Ина дурцири ххуй- ххуйсса давур­ттава так ца язи дугьарчагума (Дагъусттаннай банкирал хъунамашиврийсса) гьа хьун­ссия, вил цIа республикалул тарихраву личIангу.

Амма вил оьр­мулул массавгу, мяънагу дур бюхъайссаксса хъинбалартту буваву, аьлимчу хIисаврайгу, къуллугъчи хIисаврайгу, каялувчи хIисаврайгу, депутат хIисаврайгу. Ми циняв бусрав- барчаллагьрай кьамулну ду­ссар халкьуннан, ми давурттал мархри, гьанурду цIакьссар. ЦIа личIанну дурсса давур­ттал бакIлахъиягу мудан аваданссар. Вил каялувшиндарайну бувккунни дунияллийн «Дагес­тан. Сквозь призму времени» тIисса цаннияр ца язисса ва ядигарсса луттирду, лакрал шаннагу райондалул лавгмуния ва хIакьинусса кьинилия бусласи­сса энциклопедия хIисаврайсса луттирду.

[dropcap]И[/dropcap]на вилва аьзизсса Марияннул хIасул бувсса «Дара­ччи» клубрал ца яла хьхьичIунма чIарахацIу ва маслихIатчигу ияв, дуллалимуницIун чялишну кабакьлай ияв. «Дараччилул» гьарцагу душнин ина ца ­уссин кIанттайссара, бусравссара, ххирассара. ЧIа тIий буру вин цIакьсса цIуллушиву, ххаришивуртту, хъиншивуртту!
Мариян Илиясовал цIанийсса ихIсандалул фонд «Дараччи»