ЦIуминалийсса Чапаевкаллал 2-мур школалул выпускница Сабина Давдиевал ­оьрус мазрал, математикалул, химиялул ва биологиялул ЕГЭ-рду дуллунни лавайсса баллащал. Школалий дуклакисса шиннардий Сабинал унгу-унгуну ЕГЭ-рдайн хIадур хъанай, дарсру лахьлай хъунмасса захIмат бивхьунни. Хаснува, 9-11-ми классирттаву дуклакисса ппурттуву, ххишаласса кIулшивуртту ласунсса хIарачат буллай, бакI гьаз дансса чIун дакъа дуклай бивкIунни.

Дарсру хьхьичIунну ла­хьхьа­рицIун, Сабинал чялишну гьуртту хъанай бивкIунни школалул жяматийсса иширттавух. Ванил цимилгу хьхьичIунсса кIанттурду бувгьуссар республикалул ва райондалул дуклаки оьрчIал дянивсса олимпиадарттай.

ЦIана Сабина дуклан бухлай бур Дагъусттаннал медакадемиялувун.
ЧIа учинну Сабинан цила хьхьичI бивхьусса хияллу бартлагаву.

Имара Саидова