Щалагу Аьрасатнал Библиотекалул кьинилун хасну Хьурттал шяраву хьунни библиотекарттал зузалтрал семинар.

Муний гьуртту хьунни райондалул кIулшиву дулаврил ва магьирлугърал отделданул каялувчинал хъиривчу Лида Кьурбанова, райондалул библиотекалул системалул хъунмур Марина Хизриева, оьрчIал библиотекалул хъунмур Венера Кьурбанова, библиотекарттал зузалт, Хьурттал шяраваллил бакIчи Заур СутIаев.

Библиотекалул кьини барча тIий, Лида Кьурбановал кIицI лавгунни шяраву чIалансса даву дурну душиву магьирлугъ ва библиотека хьхьичIунмай баврил цIаний. Райондалул библиотекалул дурсса даврия бувсунни Марина Хизриевал.

Хьурттал библиотекалул хъунмур ПатIимат Шагьмурадовал оьрчIащал хIадур дурну дия шяраваллил тарихран хас дурсса программа. Ахирданий райондалул магьирлугърал къатлул зузалтрал ккаккан дуруна концерт.