Уттигъанну жулла республикалий хьуну диркIссар элмулул ахттар дуллалисса жагьилсса аьлимтурал дянивсса конкурс. Ванил сакиншиннагу цайнна ларсун диркIссар ДР-лул КIулшивуртту дулаврил ва элмулул министерствалул, «Дагестанский государственный университет» ВО ФГБОУ-лул ва РАН-рал Дагъусттаннал элмийсса центрданул.
Конкурсрал агьаммур мурадгу бивкIссар Дагъусттаннал социал-экономика хьхьичIуннай давриву жагьилсса аьлимтурал гьурттушинна дувансса гъира бутан, миннал дурсса хъиривлаявурттан, захIматран кьимат бищун.
Ва конкурсраву цила элмийсса даврищал гьуртту хьуну бур Дагъусттаннал развитиялул институтрал ингилис мазрал кафедралий зузисса пишакар, филологиялул элмурдал кандидат, цуппагу жула лакку душ ЧIяйннал шяраватусса Рамазанова Залина МахIаммадрашидовна. Ванил «Исследование гендерной фразеологии в английском языке» тIисса даврин лахъсса кьимат бивщуну, лайкь хьуну бур конкурсрал финалистка хьун ва ноябрьданул 24-нний ДГУ-лул аьлимтурал советрал батIаврий дуллуну дур ДР-лул КIулшивуртту дулаврил ва элмулул министерствалул чулухасса грамота.
ДакIнихтуну Залина барча буллай оьрмулуву ва агьамсса иширащал, чIа тIий буру ванин цIуллушиву, давриву тIайлабацIу ва талихI-тирхханну. Мукун бюхълай личIаннав, дакIниймур бартлаганнав!
Виха дуаьлийсса вил нину-ппу, уссурссу,
мачча-гъанми
Декабрьданул 1-нний оьрмулул 70 шин хьунни хъинсса зунтталчу, Аьрасатнал кIулшиву дулаврил хIурмат лавайсса зузала, 1-мур ЦIувкIратусса КьурбанмахIаммадлул арс ХIусайнов МахIаммадлун.
Жу, дакIнийхтуну барча дуллай ванал юбилей, чIа тIий буру лахъисса оьрму, цIуллушиву, тирхханну.
Ххирасса МахIаммад!
Вил дакIнийсса мурадру бартлаганнав, оьрмулуву чIярусса ххаришивуртту хьунадакьиннав. Вил хIурмат жучIа мудангу лахъну буссар, ина жул оьрмулуву, багьу-бизулуву мудангу эбратну уссара. ТалихI, тирхханну, ххаришиву! ЦIуллуну личIаннав!
Кулпат Умамат, арсру
Хайруттин, ХIусайн, Руслан, душру Фиалка, Фируза ва оьрчIал оьрчIру, гъанми, маччами
Вай гьантрай оьрмулул 60 шинал юбилей хъанай дур Карашрал шяраватусса Хайруттиннул арс Жаватханнун.
ДакIнийхтуну барча дуллай буру му хъуннасса ххарисса кьини. ЧIа тIий буру Жаватханнун чIярусса цIуллусса шинну, цIу-цIусса тIайлабацIуртту ва ххуй-хъиншивуртту.
Бартлаганнав вил дакIнийсса язи-язими мурадру!
Дустал, гьалмахтал
Декабрь зурул 7-нний оьрмулул 50 шин бартлаглай дур ххаллилсса лаккучу, полициялул подполковник, ЧIяйннал шяравасса Къубалаев Кьурбаннул ва Лидал арс Бунияминнун.
ДакIнийхтуну барча уллай буру жула ххирасса уссил арс, гъанчу оьрмулул юбилейращал.
ЧIа тIий буру цIуллушиву, талихI-тирхханну. Ина бивзсса гьарица ша тIайлабацIусса хьуннав, дакIнийсса мурадру циняв бартлаганнав, оьрчIалгу, оьрчIал оьрчIалгу ххари уллай микссара шиннардий ттигу итаннав.
Гьарца тIулуй оьвхъусса,
Гьарца ххуттай ххаллилсса
Буттарссурваврал чаний,
Чан къааннав ина жун!
Виха мудангу дуаьлийсса буттарссурвал Муслимат, ПатIимат, Муъминат, махъсса цинявппагу гъан-маччами
