ДакIнийхтуну барча буллай буру Вихьлиятусса Щиллаев Шагьнаваз Къютил арс ва мунал кулпат Аминат цачIу ялапар хъанай 50 шин хъанахъисса юбилейращал.
Ва бур ляличIисса, кувннай кув бавкьусса, аьчухсса дакIурдищалсса, дустурачIа, кIулначIа ххишала бакъа лавайсса хIурмат бусса, мяйжаннугу лакрал миллатгу, буттал улчагу иширайну ххирасса кулпат.
Шагьнаваз чIава жагьилну увкIун ур Каспийск шагьрулийн, зун айивхьуну ур «Дагдизель» заводрай. 1966-ку шинал ванал оьрмулул дус хьуну бур Шяраваллил хозяйствалул институтрал экономикалул факультетрай дуклакисса душ Аминат. Ласнал ва щарнил, «Дагдизель» заводрай хьхьичIуннугу зий, хъуни бувну, дуккин бувну, къатрай щябивтун бур 5 оьрчI — 4 арс ва 1 душ. ХIакьину 14 оьрчIал оьрчI ми ххари буллай бур.
Аьзизсса Шагьнаваз ва Аминат! ЧIа тIий буру зун цIакьсса цIуллушиву, талихI-тирхханну, оьрчIал оьрчIаяту щалихханнинсса чIярусса шинну. Вания тиннай цачIу дичинтIими шиннугу хьуннав зул ххуй-хъиншивурттал видурцIусса, язими мурадирттацIун даркьусса.
КьурбанмахIаммад
ва Ххадижат
Ибрагьимовхъул,
ш. Каспийск
