Барча тIий буру лакрал жяматрангу бусравсса, жулва кулпатрангу хъинну ххирасса Качардухь бувсса кьини.
Качар машгьурсса шаэр, хьхьичIунсса аьлимчу, ххаллилсса ХIусайнахъал Абачарал душри. Жул ЧIяйннал шяраву вайннал кулпат хIакьинусса кьинигу ца яла бусравмур ва хIурматраймурди.
ХIурмат бусса Качар! Ина жул кулпатран ца ссу кунмасса, бишин-битан кIану бакъа ххирасса инсанна.
ЧIа тIий буру вин, хьхьичIра-хьхьичI, цIуллушиву.
Вил дакIнийсса циняв мурадру, хияллу бартлаганнав, оьрчIал, миннал оьрчIал ххари буллай оьрмулул буччиннин битаннав.
Виха дуаьлийсса Загьиди ва Муъминат Аьбидовхъул
————————
ДакIнихтуну барча уллай буру ниттил увну 80 шин хъанахъисса юбилейращал жула ппу – Вилттащатусса Султанов Наби Аьбдулжаппарович. ЧIа тIийгу буру цIакьсса цIуллушиву, ххаришивуртту ва чIярусса хъиншивуртту.
Я Аллагь, ина вания тинайгу вила оьрчIал, оьрчIал оьрчIал ххари уллай итаннав оьрмулул уччиннин.
Ина ххирасса, виха
дуаьлийсса вил кулпат
ва оьрчIру
