ЦIуссалакрал райондалий дайдирхьунни ссуттилссаннул бакIлахъия лакьаврил давуртту. Шиная шинайн къалмул бакIлахъия дугьлай ишла дуллалисса аьрщарал ккал цалнияр цал хъунна хъанай най дур.
Ларгсса шиналнияр 2015 шинал 783 гектар ссуттилссаннул гьарзану дургьуну дур. Гьашину ссуттилссаннул бакIлахъия ласун най дур 4 азаллий 225 гектар аьрщарая. Хъуруннай ссуттилссаннул бакIлахъия лакьлакьини апатIрахьхьун къабириян, цIу лачIаврия мюхчан баву мурадрайсса маслихIатирттащал кIул бунни пожарный службардал зузалтрал хъуруннай зузими. Райондалул шяраваллил хозяйствалуву зузиминнал 2014 шиналсса ссуттилссаннул бакIлахъиялул ккаккияртту 2013 шинах бурувгун гьарзану дучIан дурссар. ХьхьичIунсса ккаккияртту дурссар «Орджоникидзе», «Правда», «Дагестан-2007» СПК-рдал. Умудрай бур гьашинусса бакIлахъиягу ларгми шиннардийнияр гьарзасса хьунссар тIисса.
