Августрал 18-нний Аьрасатнавасса велотуристал бувкIунни Ккуллал райондалийн. Вай циняв ия 8 велотурист. Ва велопоход вайннал хас бувну бусса бия 2000 шин Дарбант шагьрулун хъанахъаврин.
Вайннал бакIчину ия Анохин Алексей. Ванал бусаврийн бувну, вара маршрутрай ва ччянива 1986-ку шиналгу увкIун ивкIун ия. Бувсуна ттухь ванал цал цивппа Грознайлийн поездрай щябивкIун бувкIшиву. Тичча дайдирхьуну дур велосипедрай ссур бувну нанаву. Бусласаврийн бувну, жуятува инсантал нигьа бусан буллалисса муданмасса хавардугу чанну бакъая тIива ванал. Бунияла цанма бувчIунни тIива Грознайлинияр жучIара Дагъусттаннай паракьатшивугу, инсанталгу хъинну хIурмат буван ччисса, аьркинмур дузал дуллалисса бушиву.
Ваччавсса майданнив АхIмад-Ханнул гьайкалданул хьхьичI суратругу рирщуну, ххуллул уттамур бувгьуну, Ккуллал чулинмай лавгуна вай велосипедругу ссур дурну.
