«Илчи» кказитрал редакция кказитрал юбилейращал барча буллай, учин ччива жун, Лакку билаятрая архну ялапар хъанахъисса лакран, кIилий тIааьнну бикIай жул пикрирду, жущалсса интервьюрду жула лакку мазрайсса кказитрай рирщуний, ми ккалан ва жува бувсмур, жулва чIу ватанлувтуран бавхьунссар тIий.

Мукунма гъира бикIай Ватандалийсса мюрщи щархъаву хъанахъимунищал кIул хьун, жу кунма, тийх-шийхсса жулва лакрал хъанния, чиваркIунная буккин.
Кказитрай зузисса коллективрал ххуйсса дахIаву дур цалва буккултращал, хъунмасса хIарачат буллай бур буккултрал ккуран гьарта-гьарза дан, хъун дан. Зул журналистурал гьаз бувну бикIай жулла обществалуву, социал аралуву цIурювкьусса, хъинну агьамсса масъалартту. Хъуннасса къулагъас дурну дикIай жулва ниттил маз ябаврих, мунихсса ччаву ва гъира лещан къабитаврих.
ДакIнийхтуну чIа тIий ура зул щалвагу редакциялун тIайлабацIу ва зуйн барчаллагьрайсса, дакI тIайласса, зул захIматрал кьадру бусса буккулт чIяву шаву.
Исмяил Шиллаев,
Африка. Зимбабве.
Хараре-Мутаре.