Вай гьантрайДагъусттаннал БакIчи Сергей Меликов гьуртту хьунни АьФ-лул ХIукуматрал председательнал хъиривчу Татьяна Голиковал каялувшиннаралусса совещаниялий.
[dropcap]Ш[/dropcap]икку ххал бивгьунни регионнай гъинттулсса чIумал оьрчIал цIуллушиврул ялув бацIаву дуллалисса кампаниялул хIадуршинна ссайн дирну дуссарив. Вице-премьернал чIурчIав дунни ялув бавцIуну язи бугьан аьркиншиврий гъинттулсса бигьалагаврил чIумал оьрчIру дукрардал щаллу буллансса поставщиктал. Дукиялул дузалшинна дуллалиминная тIалав дунни санитар-эпидемиологиялул тIалавшиннарду дуруччин аьркиншиву.
«Ларгсса шинал, оьрчIру бигьалагайсса идарарттай дагьайсса куццуй шартIру дузал дурну диркIнугу, тикрал хьунни оьрчIру загьрулул хьусса, лякьлул инфекцияртту дирсса ишру», – увкунни Татьяна Голиковал.
Совещаниялий личIисса къулагъасрайн лавсунни гъинттулсса лагерьду тIитIин нанисса 600-нния ливчусса кIулшивуртту дулаврил идарартту ва цIуну тIитIлатIисса 6 стационар лагерь.
«Орленок», «Смена» щалагу Аьрасатнал оьрчIал центрдайн, мукунма «Артек» тIисса дунияллул халкьуннал дянивсса центрданийн гьан бан тIий бур Дагъусттаннаясса 450-ннийн бивсса оьрчIру.
2023 шинал Аьрасатнаву ва кампаниялун итабавкьуну бур 68 миллиард арцул, бигьалаган бюхъан тIий бур 5,1 миллион оьрчIаща.
Дагъусттаннай гъинттулсса чIумал оьрчIал цIуллушиврул ялув бацIаву дуллалисса кампаниялул даву най дур хасъсса ведомстварттал дянивсса комиссиярттал ялув бацIаврийну. ХIадур дурну дур ххуллул карта, дялахърулул ва спортрал мероприятиярттал план, щаллу буллан тIий бур оьрчIал цIуллу-сагъшиву дуруччаврил ялув бацIлацIисса идарартту цIу буккан баврил ва бакьин баврил масъалартту.
ОьрчIру бигьалагаврил масъала хьхьичIххуттайн лавсун бур Дагъусттаннал БакIчиналгу.
ДакIнийн бутан, 2022 шинал август зуруй Сергей Меликовлул баян бувссия цIусса сезондалийн ччянива хIадур хьун аьркиншиву.
«Ва масъала щаллу бан аьркинссар республикалул ва муниципал властирдал, кумаг бан аьркинссар педагогтурал ва меценатътурал», – увкуссия таний Сергей Меликовлул.
Гьашину республикалий тIитIин тIий бур 199 гъинтнил лагерь, микку бигьалаган бюхъан тIий бур 34 азарунния ливчусса оьрчIаща. «Орленок», «Смена» щалагу Аьрасатнал оьрчIал центрдайн, мукунма «Артек» тIисса дунияллул халкьуннал дянивсса центрданийн гьан бан тIий бур Дагъусттаннаясса 450-ннийн бивсса оьрчIру.
ДР-лул КIулшивуртту дулаврил министерствалул ларсун дур оьрчIан украсса путевкартту.
Гьашину республикалий тIитIин тIий бур 199 гъинтнил лагерь, микку бигьалаган бюхъан тIий бур 34 азарунния ливчусса оьрчIаща.
ОьрчIащал зунтIисса пишакартурал ялув хъинну бацIантIиссар. Даврийн кьамул буллалисса чIумал ххал дантIиссар миннал лахъай азардаясса вакцинация дурну дуривгу. Дагъусттаннал кIулшивуртту хьхьичIуннай даврил институтраву вожатыйтал хIадур буллай байбивхьуну бур февраль зуруйва. Гьашину хIадур буллай бур, педагогтал бакъасса, лавайми курсирдай дуклакисса студентъталгу.
Ми хIадур буллан тIий бур психологиялул, игротехникалул чулухагу. Районнай ва шагьрурдай оьрчIру бигьалагансса шартIирдал ялув бацIантIиссар районнал ва шагьрурдал бакIчитал. Ми ялув бавцIуну бикIан аьркинссар дукиялул ва медициналул щаллушиннарал. Му даву цукун най дуссарив кьимат бищунтIиссар ялув бавцIусса органнал бакъассагу, цала оьрчIал ва нитти-бутталгу. Анкета дуцIин дан хьунтIиссар ДР-лул КIулшивуртту дулаврил министерствалул сайтрай ягу нину-ппу оьрчIачIан лагерьдайн бувкIсса чIумал.
СВО-лий гьуртту хъанахъиминнан кумаг баву мурадрай, ДР-лул КIулшивуртту дулаврил министерствалул бантIий бур сменарду «Солнечный берег» тIисса центрданий. Гьашинусса гъинттул шикку бигьалаган тIий бур Донецкаллал ва Луганскаллал республикарттаясса оьрчIру.
Совещаниялий мукунма гьаз бунни оьрчIру бигьалагайсса объектру цIу буккан баврийн багьайсса масъала. Бакьингу бувну, ххишаласса инфраструктура дан тIий бур Буйнакскаллал, Къизлардал, Тарумовкаллал, Къарабудахкантуллал, Хасавюртуллал районнайсса 8 идаралий.
2026 шинайнин инфраструктуралул объектру цIу буккан баврийну 12 инсан ххишалану кьамул ан бюхъан тIий бур.
