[dropcap]В[/dropcap]ай гьантрай Аьрасатнал ПаччахIлугърал Думалул депутат Султан ХIамзаев ДР-лул ЗахIматрал ва соцразвитиялул министерствалий хIасул бувсса «Защитники Отечества» тIисса фондрай хьунаавкьунни хасъсса аьралий операциялий чувшиврий жанну дуллусса аьралитурал ниттихъащал ва щахъаннищал.
[dropcap]М[/dropcap]икку ихтилат бия ватандалул ххуллий жанну дуллуминнал аьпа абад баврил ялув «Сила матерей» ккурандалул дуллалисса ва дан дакIнийсса давурттая.
Му бакъассагу, сукку бунни хасъсса аьралий операциялий гьуртту хъанахъиминнал кулпатирттан кабакьулунсса чаранну лякъаврийн багьайсса масъалартту. Ниттихъал тавакъю бия ватандалул мурадру буручлай ливтIуминнал мюрщими уссур-ссуннан ларайсса кIулшиву ласавринсса хIаллихшиннардацIун бавхIусса.
Депутатнал махъ буллунни къуллугърал бурж биттур буллай ливтIусса аьралитурал ниттихъал ва щахъаннил тавакъю парламентрай ххал бигьин.
