[dropcap]М[/dropcap]ай зурул 26-нний ЦIуссалакрал райондалул цинявппагу школарттай дайдирхьунни Цасса паччахIлугърал экзаменну. Выпускниктурал цалчинсса кьини дуллунни литературалул, химиялул ва географиялул ЕГЭ-рду.

Географиялул экзамендалун ккаккан бувсса балл бур 37, литературалул 32 ва химиялул 36. Май зурул 26-нний дуллусса экзаменнал хIасиллу кIул хьунтIиссар июнь зурул 13-нния тийннай. Экзаменну най дикIантIиссар июль зурул 1-ннийнин. ЛичIи-личIисса багьана-сававрттайн бувну экзаменну дулун къавхьуминнансса ятIап дайдишинтIиссар сентябрь зурул 6-нний ва дик1ант1иссар вава зурул 19-ннийн дияннин.

ДакIнийн бутанну, дянивсса даражалул кIулшивуртту ларсъсса аттестат ласуншиврул чарабакъа дулун аьркиншиву оьрус мазрал ва математикалул экзаменну. ЛирчIми дарсирдал экзаменну дулун бюхъайссар оьрчIал цалла язи дургьуну.