[dropcap]М[/dropcap]ай зурул 30-нний ЦIуссалакрал райондалул 9-ми классирттал выпускниктурал дуллунни обществознаниялул, информатикалул ва ИКТ-лул, георафиялул, ПаччахIлугърал (ОГЭ ва ГВЭ) экзаменну.
[dropcap]Э[/dropcap]кзаменну дуллунни ЦIуссачIурттащиял ва ЦIуссалакрал школарттай тIивтIусса пунктирдаву. ЦIуссачIурттащиял школалий экзаменну дуллунни 250 оьрчIал, ЦIуссалакрал 1-мур школалий — 286 дуклаки оьрчIал.
Выпускной экзаменнава дуклаки оьрчIал язи дургьунни цанна дуклан буххайни дучIи хьунтIисса предметру. Информатикалул экзаменну дуллалийни ишла бан бюхълай бия компьютерду. Экзаменнал хIасиллу кIул дан бюхъантIиссар июнь зурул 15-нния тийннай.
ДакIнийн бутанну, 9-мур классрал выпускниктурал май зурул 24-нний дуллушиву тарихрал, физикалул ва биологиялул экзаменну. Ингилис мазрал ОГЭ-рду дайдишинтIиссар июнь зурул 2-нний.
