ЦIуминалийсса ЦIуссалакрал шяраву «АхIмад-Хан» тIисса спортзалдануву хьунни чIаважагьилтурал дянивсса дзюдорал турнир. Ва хас дурну дия СССР-данул лачIун уккаврил чемпион, СССР-данул спортрал хIурмат бусса мастер, Щалагу дунияллул универсиадалул призер, машгьурсса спортсмен Амирханов Амирхан Исял арснал аьпалун.

Соревнованиялий гьуртту хьунни Дагъусттаннал, Ингушетиянал ва Къазахъисттаннал спортшколарттаясса 166 спортсмен.
Турнирданул бусравсса хъамаллуравух ия Олимпий чемпион Ширвани Мурадовгу.
Спортрал бяст-ччаллу бачин бувну ия Амирхан Исяевичлул арс Амирхан Амирханов.

Цува Амирхангу цIанихсса спортсмен ур, ва цимилгу хьуну ур кикбоксинграл ва каруннай бияврил Дагъусттаннал, Аьрасатнал ва СНГ-лул первенствалул чемпион ва призер.
ЧIявусса болельщикталгу бавтIун, турнир най дия 2 гьантлул мутталий. Турнирданий 1-сса, 2-сса ва 3-сса кIанттурду бувгьунни ЦIуссалакрал райондалул 1-мур ДЮСШ-рал спортсментурал.