ЦIуссалакрал райондалул бакIчинан кIанайсса Сулайман Рамазанов хьунаавкьунни контрактрай къуллугъ буллан ччисса жагьилтуращал.
Ва мурадрай увкIсса мукьагу инсан ур аьралий опыт бусса. Вайннаща бюхъантIиссар, цанма ччисса куццуй, хасъсса аьралий операциялий гьуртту хьунгу. Контракт чичайссар мукьва зуруя ца шинайн дияннин, ччинаща гихуннайгу лахъи дан бюхъантIиссар. Аьралитуран дуллантIиссар федерал ва республикалул бюджетрава ккаккан дурсса арцу. Ми дуллантIиссар хIадуршинна дуллалиссаксса хIаллайгу, аьралий иширттаву гьуртту хъанахъисса чIумалгу.
Сулайман Рамазановлул цала бакIрайн лавсунни контрактниктал формалул дузал баврил масъала.
КIицI лаган, махъсса ппурттуву чIяву хьуну бур, контрактгу чирчуну, аьралий операциялуву гьуртту хьун наними. ЦIуссалакрал райондалия 300 инсан ур хасъсса аьралий операциялуву гьуртту хъанай. Вайннавух бур мобилизациялул хьуссагу, контрактрай ва хушрай лавгссагу. ЧIявуми лайкь хьуну бур личIи-личIисса наградарттан.
