Гъумук цIунилла-цIунил дайдирхьунни буллай бачIину ливчIун бивкIсса азархана баврил ххуллийсса давуртту.

АцIния арулла шин хьуссар 2003-ку шиналва буллай байбивхьусса азарханалул къатри дялирчIун. Проект даххана дангу багьну бур, му чулийн дуккан дан лахъи лавгун, хIакьинусса тIалавшиннардацIун дакьлай дакъашиву хIисаврайн лавсун.

Ростендерданул подрядчикнащал чирчусса контрактрайн бувну, азархана бувну къуртал бан ккаккан бувну бур 2024-ку шинал ахирданийннин, Дагъусттаннал халкьуннал цIуллу-сагъшиву дуруччаву хьхьичIуннай даврил цIаний зузисса паччахIлугърал программалул лагрулий.

ЦIусса азархана ккаккан бувну бур 50 тахлин. Медициналул идаралувун бухлай бур шанна зивулийсса шанма блок. Мивува бикIан тIий бур ацIа пишакарнансса общежитиегу. Проектрай ккаккан бувну бур санузеллащалсса кIива тахлинсса кIанттурду, административ къатри, къашайшалтрансса палатарду, янна ликкайсса кIантту, столовая ва буфет, къашайшалт гъан-маччанащал хьунабакьайсса кIантту.

ХIасил, чIалан диркIунни цIусса азарханалул вичIив. Къадахчинхьуви ванияр тихуннай ва иширахун цичIар!