Ккуллал райондалий хьунни «Аьпалул багъ» тIисса акция. «Гунибское лесничество» тIисса ГКУ-лул каялувчинал хъиривчу Исмяил Исмяилов бакIчину, райондалийн лавсун бувкIунни 200 ттарлил мурхь. Ми бувгьуссар КIилчинмур ЦIувкIуллал шяраваллил зума-къирагърай.
Мурхьру бугьансса кIанттурду хIадур бувну бур ятти-гъаттарая мугъаятний, къуллугъ буллан бигьаний.
ВацIлул зузалал волонтертуран бувчIин бувунни мурхьирдах цукунсса ургъил бикIан аьркинссарив. Мурхьру хъуни хьуннин вайннул ялув бацIаву дантIий дур волонтертурал ва вацIлул зузалтрал.
