Лакрал райондалул творчествалул десант Ккуллал райондалий

ДР-лул Магьирлугърал министерствалул щурущи бунни проект чIаххувсса районнал творческий коллективру кувнначIан кув концертирттащал занансса. Му проектрал лагрулий вай гьантрай Лакрал райондалул творческий десант лавгунни Ккуллал райондалийн.

Райондалул Магьирлугърал къатлуву кIирагу райондалул коллективирттал ккаккан дурунни гьарза-гьартасса концертрал программа. Микку тIутIисса балайрду бия СВО-лий талатиминнан хас бувсса, ватандалухасса, Расул ХIамзатовлул шеърирдаясса. Ккаккан бунни интермедиярттугу.