Лавгунни цала хушрай

Вай гьантрай ЦIуссалакрал райондалул Депутатътурал мажлисрал председательнал бигарду биттур буллай ивкIсса Оьма­ров Амин Ибрагьимлул арс цала хушрай лавгунни Украиннал аьрщарай нанисса хасъсса аьралий операциялувух гьуртту хьун.
Амин хьхьичIавагу, СВО-лий гьуртту хъанай бивкIсса гьалмахтурачIан занай, цуманан ци аьркинну дуссарив цIухху-бусуртту буллай, кумагру буллай ивкIссар.
Тиккусса ванал гьалмахтуравасса ца ур хушрай бувкIсса аьра­литурая сакин бувсса «Пятнашка» тIисса интернационал бригадалул командир Ахра Авидзба. СВО-лийн мобилизовать буллай бивкIминнавун къаагьну тIий, Аминнун пикри хьуну бур цала гьалмахчу Ахра Авидзбал бригадалуву аьралий къуллугъ буллан­сса контракт чичин.
Ва хьхьичIва аьралий къуллугъ буллай ивкIссар Красногорский райондалий Нахабино тIисса поселокрай. Гьуртту хьу­ссар Москавлив ЯтIул майданнивсса парадрай, спортрал личIи-личIисса мероприятиярттай. Мукуна ва чялишну гьуртту хъанай ивкIссар ЦIуссалакрал райондалул жяматийсса ва политикийсса иширттавухгу.
Билаятрайн захIматсса кьини дурксса чIумал, чувшиву кка­ккан дан хIадурсса, Амин Оьмаров кунмасса къучагътал буссаксса, Ватандалун нигьачIаву да­къашиврийнсса умуд ххишала хъанай бур.