Барча буллай буру

Москавливсса Дагъусттаннал культуралул центрданул активистътурал
ва коллективрал цIанияту дакIнихтуну барча дуллай буру «Илчилул»
журналист ПатIимат Рамазановал 55 шинал юбилей. ПатIимат, ина
итххявхсса журналист бушивруцIун, гьунар бусса шаэр ва
хьхьичIунсса публицист бура. ЧIярусса шиннардийсса захIматрайну
ина лайкь дунни миллатрал хIурматгу ,ччавугу. Шиная шинайн вил
опыт авадан хъанай, даву магьир хъанай дур, хIукуматралгу багьавай
лавайсса кьимат бивщушиврул барашин дуллай дур вил ларайсса
наградартталгу: ина Аьрасатнал чичултрал Союзрал член бура,
Дагъусттаннал культуралул лайкь хьусса зузала бура.МуницIухва, ина
творчестволул даврицIун бюхъулий дуллай бура жяматийсса
активисткал давугу. Вил рувхIанийсса потенциал лакку маз яшаврил
ва гьаз баврил ххуллийсса бур, миллатрал культура, аьдатру
дуруччавриву бутIа бихьлай бура. Вил произведенияртту
инсаниятрахсса ва буттал улклухса ччаврил вибувцIусса бур. Вил
пасихIсса шеърирду буккултран ххира хьуну бур ва Дагъусттаннал
машгьурсса артистурал-балайчитурал репертуарданиву бур.
Къалещаннав вил потенциалданул чани, уттиния тинмайгу ина ххари
булланнав вилва творчество ххирами ххаллилсса назмурдайну ва
публицистикалул жанрданийну. Вин цIакьсса цIуллушиву чIа тIий,
умудрай буру уттиния тинмайгу Москавливсса дагъусттанлувтуран ва
Москавуллал агьулданун дагъусттаннал культуралул, поэзиялул,
публицистикалул кици ккаккан буллалисса проектру уртакьну
бартдигьлан, республикалул хьхьичIунсса инсантурая , аьлимтурая,
художниктурая, аьмну интеллигенциялия бусласисса даву сантирай ва
бюхъулий цачIу дуллан. ТIайлабацIу баннав, арснал ххари булланнав!

МЦК « Дагъусттанналул» Президент Арсен ХIусайнов